Daghan kaayong salamat ni Ma鈥檃m Michelle So, editor-in-chief sa Sun.star Superbalita nga maoy nagpahiluna sa among basketball cup uban sa management sa Coke pinaagi sa ilang manager nga si sir Andrew Tequillo.
Tungod sa suporta nagmalampuson ang among liga sa duwang basketball sa bag-o lang natapos nga 2012 Cebu Press Freedom Week Celebration.
Ang Philippine National Police Press Corps maoy mi-champion unya second ang Cebu City Hall beat reporters unya kami sa Justice beat maoy third samtang fourth ang sports beat.
Magpasalamat sab ko og daku sa management sa Cebu Eastern College (CEC) nila si sir Jeff Go ug ni sir Sammy Sia nga nagpagamit sa ilang main gym sa among torneyo sukad pag-opening hangtud sa finals聽聽 niadtong Sabado.
Lakip nakong pasalamatan ang tanang sponsors sa 2012 Cebu Press Freedom celebration nga way putol sa聽 suporta sa among聽 kalihukan matag tuig sama sa San Miguel Corp. nga聽 maoy main sponsor sa聽 among culmination niadtong聽 Sabado diha sa Laguna Caf茅 sa Terraces sa Ayala Mall.
Labaw sab nakong pasalamatan ang paghago-hago intawon sa tibuok pwersa聽 dinhi sa Cebu Daily 黑料社 isip convenor聽 pinangulohan聽 sa among publisher ug editor-in-chief nga si Ma鈥檃m Eileen Mangubat nga聽 maoy naghan-ay sa tanang mga kalihukan ning tuiga sa tibuok simana.
Again salamat sa tanang sponsors lakip na ang management sa Visayan Electric Co., Primary Homes, Globe, Smart, Kepco Power Plant ug uban pa.
* * *
Nalingaw kaayo ko sa lain-laing pasundayag niadtong Sabado sa gabii atol sa among culmination night sa Cebu Press Freedom nga聽 nagsentro sa paghandum sa kinaraang kulturang Sugbuanon sama sa balak, harana ug balitaw.
Taliwa sa ka-busy sa panahon, naningkamot kaming mga聽 tigbalita sa聽 lain-laing beat nga makapasundayag aron makatampo og pagpaalegre sa聽 kagabhi-on paglingaw sa among聽 mga maguwang sa duyan.
Akong naobserbahan nga daghan gyud sa akong mga kaubanan nga may abilidad sa pagharana, balak ug balitaw.
Salamat ni 1st Dist. Provincial Board Member Julian 鈥淭eban鈥� Daan nga miapil ug mipakita sab sa iyang abilidad sa pagbalak ug balitaw nga聽 nagdalag bibo sa mga tigbalita sa Kapitolyo.
Kami sa justice beat kon Media Alliance for the Law, Liberty, Equality and Truth kon Mallet nahawngan sa ubang聽 beat聽 organization kay unom ra聽 mi kbuok sa grupo unya way practice kay lisud kaayo among mga聽 schedule.
Pero bilib ko sa balak ni Ador Mayol sa CDN kay tininuod ug聽聽 kinasing-kasing gyud to ang iyaha ug ang mga linya sa mensahe klaro kaayo ang iyang pagpabuhagay sa dugay nang gitaguan nga pagbati ni Katrina Bisnar sa TV5.
Nahimuot sab ko ni Kevin Lagunda sa Sun.star kay tungod sa iyang kahubog wa na makatarong sa iyang harana kang Mylene Manto sa The Freeman nga iyang gi-compose.
Pero ang tanan apil kadto sa diskarte ni Kevin nga ang iyang聽 gitigom nga pagbati nga gipatun-ogan ngadtong Mylene ipaagi na lang sa hinubog nga harana.
Ngan nga akoy nanghigusog sa maong theme, nagpabaga sab ko聽 sa pagpangharana sa kanta nga 鈥淪ama Sa Usa Ka Damgo鈥� kay labing tinuod kadto maoy unang higayon nga naka-focus ko sa culmination activity.
Among gitapos ang presentasyon sa eksena sa balitaw nga ang duha ka dalaga pulos namalibad unya ang ila nang inahan nga gidala聽 ni Gerome Dalipe sa Sun.star nga may sab kaayog acting ug nagpa-make-up sa akong kapikas maoy nitanyag sa iyang kaugalingon nga mao nalay聽 pangulitawhan. Hehehe!
Congratulations sa mga tigbalita sa kapulisan ug military聽 nga maoy nakakuha sa unang ganti unya聽 gisundan sa grupo sa mga cameramen ug photographers.
Samtang nakuha sa mga tigbalita sa Mandaue ug Lapu-lapu ang ikatulong ganti.
* * *
Gikinahanglan na gyud ang renovation sa atong building sa Palace of Justice kay daghan nang crack sa bongbong unya magtulo na panahon sa kusog nga uwan ug depektoso聽 na聽 ang mga聽 kisame.
Manghinaut ko nga tinud-on ni Supreme Court Chief Justice Maria Lourdes Sereno ang iyang giingong renovation sa edipisyo ug mabutangan na聽 gyud og elevator.
Gamit gyud kaayo ang elevator sa tanan ilabina sa atong聽 mga elderly nga mga kawani, abogado, piskal,聽 huwes ug sa mga litigante.
Maluoy kaayo ko nga magsud-ong sa mga edaran nga mosaka sa building nga mag-antos sa聽 kasakit sa tuhod.
Dunay uban ikarga intawon og wheel chair unya yayongan nga medyo sakripisyo gyud kaayo.
Maglaum ko nga niining liderato ni Sereno dili na mabaliwa kitang mga Sugbuanon kay anaa sa iyang kiliran聽 si Judge Geraldine Faith Econg nga nagtinguha sab sa kaayuhan sa judiciary.