Sigurado ko nga karong adlawa Lunes, Oct. 31 nga way trabaho maoy mas daghang tawo sa atong mga sementeryo ikomparar sa petsa 2 sa Nobyembre nga maoy adlaw unta sa paghandum sa tanang mga kalag nga ordinaryo.
Kini tungod kay trabaho na man sa petsa 2 sa Nobyembre nga adlawng Miyerkules.
Way lalis nga ugma petsa 1 sa聽 Nobyembre nga maoy atong gitamud nga paghandum sa 鈥淭odos los Santos鈥� kon adlaw sa mga minatay nga nahimong mga santos maoy pagsugwak sa daghang mga tawo sa tanang mga sam-ang.
Naglaum ko nga way dagkung disgrasya sama sa mga pagpamomba ug way mga trahedya sa kadalanan, kadagatan ug kamad-an nga mahitabo sa tanang matang sa mga sakyanan.
Akong gipanghinaut nga wa magmika ang atong mga intelligence officers sa armadong kusug, sa kapulisan ug sa ubang mga law enforcement agencies batok sa mga tawo nga motisok ug kagubot.
Maghari unta ang kahapsay ug kalinaw niining atong paghandum sa tanang mga matang sa kalag.
Sa atong tagsa-tagsa ka panimay, importante kaayo nga planohon ang siguridad sa tibuok banay nga di kita mabiktima sa mga mapahimuslanon.
Importante nga di gyud maghurot sa sementeryo ug kinahanglang may mahabilin sa panimay.
Niadtong mga tawo nga moadto og sementeryo ilabina sa oras nga tinghugop sa mga moduaw di gyud mokompyansa pagdala ug mga mahalong butang ug di magdala og daghang kuwarta aron dili聽 mabiktima sa kawat.
Importante sab kini sa mga ginikanan nga sab-itan og contact person o ba kaha pangan sa ginikanan, address ug telephone number kadtong聽 ilang mga anak nga di pa kamao聽 moistorya聽 aron kun mawani sa panon sa pamilya dali rang ma-contact sa mga nakasagop.
* * *
Nagsakit akong dughan niadtong Sabado atol sa among programang 鈥渄ialogue on the Air鈥� sa tantong pagpaminaw nako sa mga mulo ug reklamo sa gatusan ka mga miembro sa senior citizens dinhi sa dakbayan sa Sugbo.
Sa akong assessment isip moderator sa open forum niadtong Sabado sa hapon ug nabati sa among sibyaanan sa dySS atol sa ilang 9th Congress, wa gyud matagbaw ang mga tiguwang sa tubag sa mga panelists ilabina sa taga Department of Social Welfare and Development ug sa Department of Social Welfare and Services sa isyu bahin sa mga tabang penansyal nga angay untang dawaton nila gikan sa gobyerno.
Akong nasabtan nga sila gilisud-lisod sa gobyerno. Pun-an pa sa mga botika ug mga negosyante nga di gyud motuman sa 20-percent discount nilang mga senior citizens.
Ang ako lang punto mao nga nganong wa may taga-gobyerno nga mitabang sa mga edaran aron聽 mataral sa balaod kining mga malapason?
Akong gipanghinaut nga niining liderato ni Cebu City聽 Mayor Michael Rama聽 makatudlo siya og abogado sa ciudad nga makatabang sa mga sakop sa punto legal.
Akong pasalamatan ang tanang panelists sa open forum nga nakatunga sama nila ni manlalaban Vicente Gador Jr sa Land Transportation Office, manlalaban Antonette Clamor sa Bureau of Internal Revenue in Central Visayas, Dondon Ibo sa Land Transportation Franchise and Regulatory Board, Dundee Roble ug Paul Oyales sa Philhealth,聽 Dr. Sophia Mancao sa Department of Health,聽 Ms. Elizabeth Tabasa sa Bureau of Food and Drugs, Catherine Yso sa DSWS ug Temmy Degamo sa DSWD-7.
* * *
Nagmalampuson ang among 1st Reunion sa Bombo Radyo Academy niadtong Sabado sa gabii聽 diha聽 sa Ecotech Center sa Sudlon Lahug.
Sa tinuod lang, wa kaayo ko maka-concentrate sa maong kalihukan kay pwerteng daghana gyud sa akong obligasyon niadtong mga orasa.
Pero ang importante nga nakatunga ko sa Santos nga Misa ni Father Dan Delos Angles nga nagsambingay聽 siya聽 kun unsa kagamhanan ang grupo聽 tungod聽 kay halos tanang mga media outlet聽 nasudlan聽 karon namong mga kanhi聽 empleyado sa Bombo Radyo.
Salamat Fr. Dan nga tipik ug kabahin ka sa among selebrasyon.
Ako sang gidasonan ang bililhon kaayong mensahe ni Sir Manny Rabacal聽 nga ang katuyuan sa among聽 paghugop niadtong Sabado dili tungod kay gipasiugdahan sa tag-iya sa Bombo Radyo ug tungod niini way rason nga kadtong mga kanhi empleyado magpabilin ang kahiubos聽 sa management sa Bombo Radyo.
Sa ako lang kabahin, ako untay angayng di motunga sa kalihukan tungod sa akong kahi-ubos kaniadtu kay gitangtang baya ko sa tag-iya sa Bombo Radyo nga si Rogelio Florete tungod聽 niadtong akong gibuhian nga mga negatibong komentaryo batok kaniya.
Apan mipakita ko og suporta sa grupo kay nasayod ko nga wa gyuy labot ang estasyon sa Bombo Radyo sa maong kalihukan.
Ako sang gikalipay og daku nga akong nahimamat pagbalik ang mayoriya sa akong mga kaubanan聽 kaniadto sa kawsa ug krusada sa pagpangalagad og tinarong sa industriya.
Naglaum ko nga ang sinugdanan sa Bombo Academy way kinutuban ug magpabiling lig-on kini.
Nagpasalamat ko nga natigayon na gyud ang dugay nang plano ni Junrey Nadela聽 ug sa tanang mga nag-alagad kaniadto.
Magpasalamat ko nila ni Sir Bobby Nalzaro, ni Sir Manny Rabacal ug ni Ma鈥檃m Elena Pelobello nga聽 maoy聽 mga聽 haligi kaniadto sa among panahon sa Bombo Radyo nga way kutas sa pagpangulo sa maong聽 kalihukan.
Ug salamat sa ubang mga sakop sa core group nila ni pare Bong Soriano, Emmie Carillo Lucena, Emmie Mates Gabito, Flor Perolina ug uban pa.
Nanghinaut ko nga sa sunod tuig mas molambo聽 kita ug mas daghan na ang makatambong.